Plantun de Prouvènço

Pèr coumpara dos planto d'encò nostre

Lycium barbarum & Vogtia annua

Arnavèu-blanc(-de-Barbarìo)

Lycium barbarum

Solanaceae

Autre noum : Bouissoun-blanc.

Nom en français : Lyciet commun.

Descripcioun :
L'óurigino éuroupenco d'aquest arnavèu-blanc èi discutido. Sèmblo pèr la maje part planta. Es un aubret que fai de flour vióuleto sus de ramo retoumbanto e espinouso. Lycium europaeum a de flour palinouso e d'espinasso alor que Lycium chinense fai de flour mai larjo e porto ges d'espino.

Usanço :
Emai li fueio e li fru sarien manjadis (F. Couplan, op.cit. p. ) cue, soun subretout li fru que soun utilisa en medecino tradiciounalo chinese emé lou noum de "goji". Soun proun anti-óussidant e manja pèr faire dura d'alòngui la vido (paradis terrestre di taouïste). Èi vertuous contre un fube de malautié : anti-cancerous, bon pèr lou cor, contro l'ipertesuro, l'iperglicemìo, lis artèri tapado...

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Lycium
Famiho : Solanaceae

Ordre : Solanales

Coulour de la flour : Vióuleto
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à setèmbre

Liò : Sebisso - Bartas - Baragno
Estànci : Termoumediterran à Coulinen
Couroulougi : Óurigino Asìo-Èst
Ref. sc. : Lycium barbarum L., 1753

Roumanin-de-plan

Vogtia annua

Asteraceae Compositae

Autre noum : Roumaniéu-de-plan.

Nom en français : Tanaisie annuelle.

Descripcioun :
Lou roumanin-de-plan es uno planto devengudo proun raro, marcado sus listo roujo, CR (valènt-à-dire en dangié criti). S'atrovo pu qu'à dous endré de noste relarg. Li noum prouvençau mostron que devié èstre bèn mai coumuno à passa tèms. Trachis dins li marlo e li limas sablous. Es uno planto pus au mens grando que flouris à la debuto de l'autouno emé de poulìdi courimbo jauno. Se recounèis peréu à soun óudour suavo.

Usanço :
Aquesto planto èi proun vertuouso. De segur l'acampas pas que s'atrobo d'esperit (òli essencialo) dins lou coumèrci, que nous vèn d'Africo. Èi subretout vertuouso contro l'enflamacioun, lou prusi e li problèmo de pèu. Sougno peréu lou mau d'os, lou raumas, l'ipertesuro e mai enca...

Port : Grando erbo
Taio : 20 à 120 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Vogtia
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1 à 3 cm
Flourido : Estiéu - Autouno

Sòu : Ca
Autour basso e auto : 80 à 110 m
Aparado : Noun
Setèmbre à nouvèmbre

Liò : Culturo - Ermas - Marlo
Estànci : Mesoumediterran
Couroulougi : Estenoumediterrano-Ouèst
Ref. sc. : Vogtia annua (L.) Oberpr. & Sonboli, 2012 (= Tanacetum annuum L. 1753 = Chrysanthemum annuum (L.) Hayek ex P.Fourn., 1939 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

RRR

ges

Lycium barbarum & Vogtia annua

ges

Coumpara Arnavèu-blanc(-de-Barbarìo) emé uno autro planto

Coumpara Roumanin-de-plan emé uno autro planto